ЖЕКЕМЕНШІК МЕКТЕПКЕ ДЕЙІНГІ ҰЙЫМДАРДАҒЫ ӨЗІН-ӨЗІ РЕТТЕУДІҢ ТИІМДІЛІГІ

2025 жылғы 23 тамызда Алматы қаласы Алатау ауданы Оқушыларының инновациялық шығармашылық орталығы базасында  «Жеке мектепке дейінгі ұйымдарда өзін-өзі реттеудің тиімділігі» тақырыбында мектепке дейінгі білім беруді дамытуға арналған жекеменшік  мектепке дейінгі ұйымдары  құрылтайшыларының, басшылары мен педагогтерінің республикалық тамыз конференциясы өтті.

«Іс-шараның негізгі мақсаты - жекеменшік мектепке дейінгі ұйымдарда басқарудың сапасы мен тиімділігін арттыру мүмкіндіктерін анықтау», - деді Алматы қаласы білім басқармасы басшысының орынбасары.

Конференция барысында жекеменшік балабақшалардағы қызметтердің сапасы, өзін-өзі реттеу, мемлекеттік-жекеменшік әріптестікті дамыту, сондай-ақ Мектепке дейінгі білім беру саласындағы өзекті мәселелері талқыланды.

Іс-шараға Алматы қаласы білім басқармасы басшысының орынбасары, Қазақстан Республикасы Парламенті Мәжілісінің депутаты, Қазақстан Республикасы Білім министрлігінің Мектепке дейінгі білім департаментінің директоры, Қазақстан Республикасы Білім Министрлігінің балаларды ерте дамыту институтының директоры, «Асыл Ұрпақ қауымдастығы» өзін-өзі реттейтін ұйым жеке кәсіпкерлер мен заңды тұлғалар бірлестігінің президенті, «Атамекен» Қазақстан Республикасы Ұлттық Кәсіпкерлер палатасының адами капиталды дамыту департаментінің сарапшысы, Алматы облысы Білім басқармасы басшысының орынбасары, Алматы облысы санитарлық-эпидемиологиялық қадағалау департаментінің және Алматы қаласы Білім саласындағы сапаны қамтамасыз ету департаментінің басшысы қатысты.

Панельдік сессия барысында мектепке дейінгі тәрбие мен оқытуды дамытудың басым бағыттары, жекеменшік саладағы өзін-өзі реттейтін мектепке дейінгі ұйымдар қызметінің тиімділігі, мемлекетті қолдау және кәсіпкерлікті дамыту, мектепке дейінгі білім беру саласындағы мемлекеттік-жекеменшік әріптестік туралы айтылды.

Сонымен қатар жекеменшік мектепке дейінгі ұйымдардың қызметі бойынша өзекті мәселелер талқыланды.