Исламда бес негізгі тірек бар

Алматы қаласы Дін істері жөніндегі басқармасы бұл жолы "Исламдағы әлеуметтік жауапкершілік" тақырыбын талқылап, бұл бағытта исламтанушы-ғалым, теолог Асқар Сабдин келесіні түсіндірді:
⠀
«Исламда бес негізгі тірек бар.
⠀
1)Шахада.  Бұл сенім туралы және баршаға ортақ.
⠀
2) Намаз. Бес уақыт  намаз оқу және Мұхаммед пайғамбарымыз(с.ғ.с.) жеке жасалатын дұғадан ұжымдық дұға неғұрлым жоғары деп бірнеше рет айтқан.
⠀
3)Зекет. Бұл – ауқатты мұсылмандар төлейтін міндетті қайырымдылық.
⠀
4)Ораза. Мұсылмандар рамазан айында  ұстайтын ораза адамдардың әлеуметтік жауапкершілігін  оятады. Жоқтықты білмеген адам тамаққа мұқтаж адамдарды көбірек түсінетін болады.
⠀
5)Қажылық. Адам теңдікті, ынтымақты, жамағатпен бірлігін сезінеді, бұл үлкен әлеуметтік әсерге ие.
⠀
Исламның осы тіректері адамды әлеуметтік жауапкершілікке тәрбиелейді, дамытады.
⠀
Исламда әлеуметтік жауапкершілік туралы айтылған аят бар. Бақара сүресінде Алла Тағала мен періштелер арасында өте ұзақ диалог бар. Бұл аятта Алла Тағала періштелерге жүгініп, "мен жер бетіндегі өкілім  жасаймын " деді және осы аятқа сәйкес адамзат жердегі Құдайдың губернаторы болып табылады. Бұл жауапкершілікті адам пайда болғаннан кейін адамға жүктелді. Мұндай аяттар мен хадистер өте көп.
⠀
Мұхаммед Пайғамбар(с.ғ.с.) айтқан, адамдардың ішіндегі ең жақсысы- басқа адамдарға пайда әкелетін адам. Мұсылман, біріншіден, білімге ұмтылуы керек, екіншіден, ол осы біліммен бөлісуі керек. Бұл жайында Мұхаммед Пайғамбар(с.ғ.с.) үнемі дұға ететін адамнан ғалымның айқын артық екенін айтты. Өйткені, намаз оқитын адам мұны тек өзі үшін жасайды, ал ғалым адам әлеуметтік пайда әкеледі.
⠀
Адамға да, қоғамға да пайдалы болса, ислам діні ғылымға тыйым салмайды, прогреске тыйым салмайды, технологияға тыйым салмайды. Себебі Құранның үштен бір бөлігі білім ұғымымен байланысты».