ДҮНИЕЖҮЗІЛІК ЕМІЗУ АПТАЛЫҒЫ ТУРАЛЫ НЕ БІЛУ КЕРЕК?
Жыл сайын жазда тамыздың 1-і мен 7-сі аралығында бүкіл әлемде «Емізуді қолдау аптасы» өткізіледі.
Емізу - нәрестені тамақтандырудың табиғи жолы ғана емес, сонымен қатар ананың баласына бере алатын ең құнды сыйлығының бірі.
Алматы №36 қалалық емхананың дәрігері Несіпбаева Қарлығаш Телманқызы емізудің пайдасы туралы айтып берді.
Дәрігердің айтуынша, бұл тамақтанудың бірегей түрі нәрестені барлық қажетті затпен қамтамасыз етеді, оның иммунитетін қолдайды және үйлесімді дамуына ықпал етеді. Сонымен қатар емізу ана мен бала арасындағы эмоционалдық байланысты нығайтып, сенімді қарым-қатынастың негізін қалайды.
ЕМІЗУДІҢ БАЛА ҮШІН ПАЙДАСЫ
Мінсіз тамақтануЕмшек сүті оңтайлы пропорцияда барлық қажетті қоректік затты қамтиды. Ол баланың дамуының әр кезеңінде оның қажеттілігіне сай өзгеріп бейімделеді.
Иммундық қолдауАна сүті нәрестені инфекция мен аурулардан қорғауға көмектесетін антиденеге бай. Емшек сүтімен қоректенетін нәресте суық тию, құлақ инфекциялары және басқа да ауруларға азырақ шалдығады.
Психоэмоционалды дамуЕмізу ана мен бала арасындағы тығыз байланысты қамтамасыз етеді, бұл нәрестенің эмоционалдық әл-ауқаты үшін маңызды.
Мидың дамуыЗерттеулер көрсеткендей, емшек сүтімен қоректенетін балалардың когнитивті даму көрсеткіштері жоғары болады.
ЕМІЗУДІҢ АНА ҮШІН ПАЙДАСЫДенсаулықЕмізу әйелде сүт безі мен анабез обырының, остеопороздың және жүрек-қан тамырлары ауруларының қаупін азайтады.
Босанғаннан кейін қалпына келуЕмшек сүті туғаннан кейін жатырдың жиырылуына көмектеседі және босанғанға дейінгі салмаққа тезірек оралуға көмектеседі.
Ыңғайлық пен үнемдеуЕмшек сүті қашанда дайын және қажетті температурада болады. Оның үстіне ол үнемді, өйткені арнайы қоспа мен бөтелкелерді сатып алуды қажет етпейді.
Кейбір әйелдер емшектің ауыруы, сүттің аз болуы немесе нәрестенің емшекті нашар алуы сияқты проблемаларға тап болады. Мұндай жағдайда емізуден бас тартпай мамандар - емізу бойынша кеңесші, дәрігер немесе тәжірибелі ананың көмегіне жүгіну маңызды.