ҚАНТ ДИАБЕТІ КЕЗІНДЕ ҚАНДАЙ ТАҒАМҒА ҚАТАҢ ТЫЙЫМ САЛЫНАТЫНЫН №36 ҚАЛАЛЫҚ ЕМХАНА ДӘРІГЕРІ АЙТЫП БЕРДІ
Емхананың эндокринолог дәрігері Айнұр Жолдина қант диабетімен ауыратындарға оңай сіңетін көмірсу: қант, кәмпит, шоколад, бал, тәтті газдалған сусын және ақ ұннан жасалған жаңа піскен тағамды жеуге болмайтынын атап өтті. Себебі олар қандағы глюкозаны тез көтеріп, гипергликемияға әкелуі мүмкін. Сондай-ақ қаныққан май мен холестеринге бай тағамды жеу ұсынылмайды.
«Бұл май, сары май, маргарин, ысталған ет, майлы ет, майы жоғары ірімшік және басқа да майлы тағамды қамтиды. Мұндай өнімді тұтыну қант диабетінің асқыну себебінің бірі болып табылатын жүрек-қан тамырлары ауруының дамуына әкелуі мүмкін», - дейді Айнұр Жолдина.
Дәрігер сонымен қатар тұзы көп тағамды тұтынуды шектеу керек екенін атап өтті. Бұл ысталған ет, тұздалған жаңғақ, маринад, соус және басқа да тұзды тағамдар.
Дәрігер талшыққа бай және көмірсуы аз тағамды жеуге кеңес береді. Оған көкөніс, төмен гликемиялық индексі бар жеміс, тұтас дәндер, ақуызды тағамдар (ет, балық, жұмыртқа, майы аз сүт өнімдері) және пайдалы майлар (жаңғақ, авокадо, зәйтүн майы) кіреді.
Қант диабетін бақылау кезінде дұрыс тамақтану маңызды рөл атқарады.
Егер сізге қант диабеті диагнозы қойылса, тамақтану кестесін ұстану және тамақты өткізіп алмау маңызды.
Тұрақты тамақтану қандағы қант деңгейін тұрақты ұстауға және гипергликемия немесе гипогликемияның алдын алуға көмектеседі.