Клиникалық көрсеткіштер бойынша 5 айдан 3 жасқа дейінгі кішкентай қазақстандықтарға-"Краниосиностоз" (бас сүйегінің ми бөлігінің деформациясы) күрделі диагнозы қойылған, Алматы қаласының №2 Балалар қалалық клиникалық ауруханасының дәрігерлері және Ресей медициналық орталығындағы әріптестері көпсалалы түрде сәтті операция жасады.
Бұл нейрохирургиялық операцияның ең күрделі түрі, ол жұмыстың дәлдігін және дәрігерлердің жоғары біліктілігін талап етеді.
Бұл операциялар бірегей мастер-класс шеңберінде жүргізілді, оның барысында Алматы қаласының №2 БҚКА және Ресей Денсаулық сақтау министрлігінің В. А. Алмазов атындағы ҰМЗО тәжірибелі мамандары 3 күн бойы Қазақстанның түрлі өңірлерінен өз әріптестерін оқытуды өткізді.
Алматы қаласының №2 БҚКА директоры Марат Рабандияровтың айтуынша, №2 балалар ауруханасының базасында Алматы қаласының қоғамдық денсаулық сақтау басқармасымен және "Мейірімділік "Ерікті ұйымы" Қоғамдық қорымен бірлесіп үш күндік (25.09.2023 және 27.09.2023 аралығында) балалардағы бас сүйегінің дамуындағы туа біткен ауытқуларды емдеудегі "Краниосиностоз хирургиясының заманауи аспектілері" халықаралық мастер-классы өткізілді.
Краниосиностоз дертінің негізгі симптомы-сүйек тігістерінің ерте өсуіне байланысты пайда болатын бас сүйегінің ми бөлігінің деформациясы, бұл кейіннен күрделі асқынуларға әкелуі мүмкін. Бұл патологияны уақытында емдемесе, балаға айқын гипертензия синдромы, ұстамалар, психикалық дамудың артта қалуы, көру нервінің патологиясы, көру қабілетін жоғалту сияқты қауіптер төнеді. Оны емдеудің басты жолы - бас сүйектің пішінін ерте хирургиялық түзету. Бұл патология 2000 баланың біреуінде кездеседі.
Қоғам қайраткері, «Добровольное общество «Милосердие» қорының негізін қалаушы және директоры Аружан Саин мұндай мастер-класстарын өткізуі отандық балалар нейрохирургиясының дамуына зор үлес қосып отырғанын атап өтті. Қазақстанда «Samruk-Kazyna Trust» әлеуметтік жобаларды дамыту қорының қолдауымен мұндай іс-шаралар ұзақ жылдар бойы жүргізіліп келеді . Елімізде медицина мамандары тығыз байланыста отырып, республикамыздың ең шалғай аудандарының балаларымен үнемі кездесіп, оларға көмек көрсетеді.
«Осындай жоғары білікті мамандармен тәжірибе алмасудың арқасында біздің елімізде "краниосиностоз" диагнозы қойылған пациенттерге операциялар үнемі жүргізілетін болады деп есептейміз.
"Балаларға өмір сыйла" жобасының басты мақсаты – Қазақстандағы балаларымызды шетелге шықпай-ақ кез келген диагнозбен тиімді емдеуге мүмкіндік беретін медицинаның даму деңгейіне қол жеткізу. Бұл мастер-класс мультидисциплинарлық емдеу тәсілімен ерекшеленеді, өйткені нейрохирургтардан басқа анестезиологтар мен медбикелер өз тәжірибелерімен бөліседі. Балалар анестезиологиясы кез келген хирургиялық көмектің ең маңызды бөлігі болып табылады, ал хирургтар айтқандай операциялық мейірбике операция бөлмесіндегі басты тұлға болып табылады!», - деді Аружан Саин.
Дәрігерлердің айтуынша, соңғы уақытта краниосиностоз диагнозы жиі байқалады. Бұл балалардың ата-аналары көп жағдайда Алматы қаласындағы №2 ҚБКА-ға жүгінеді, мұнда айына орта есеппен осы патологиямен 15-ке жуық ота жасалады. Осыған байланысты өңірлік дәрігерлерді оқыту және олардың мамандануын арттыру өзекті болып табылады.
"Осы мастер-класстың мақсаттарының бірі-еліміздің өңірлерінде балалар нейрохирургиясын дамыту, сондықтан біздің өңірлік әріптестеріміз бұл патологияны өз бетінше жасауы тиіс. Бізге республикамыздың барлық өңірлерінен және таяу шетелден бас штаттан тыс балалар нейрохирургтары, нейрохирургтар, анестезиолог-реаниматологтар, операциялық медбикелер, жалпы саны 40-тан астам адам келді", - деп атап өтті журналистерге берген сұхбатында Марат Рабандияров.
Бұл іс – шараның форматы ерекше. Бұл дриллинг курсы мен "шынайы" хирургияны қамтитын Орта Азия аймағында өткізілген алғашқы және әзірге жалғыз мастер-класс. Бейнеконференция барысында барлық операциялар залда led-экранда көрсетілді.
РФ ДСМ "В. А. Алмазов атындағы Ұлттық медициналық зерттеу орталығы" Университеттік клиникасының балаларға арналған нейрохирургия бөлімшесінің меңгерушісі Александр Ким атап өткендей: "Біздің ойымызша, қызықты формат таңдалған - дәріс дриллинг-курспен бірге болды, яғни краниосиностоздың әртүрлі формалары бар ота жасалынатын балалардың бас сүйектерінің бірнеше модельдері жасалды, ал бұл курстың қатысушылары белгілі бір хирургиялық манипуляциялар жасау мүмкіндігіне ие болды. Муляждар 3 Д-принтерде жасалды. Содан кейін бұл курс практикалық онлайн хирургиямен, яғни шынайв хирургиямен аяқталды. Мен мұндай форматты бұрын Ресейде кездестірмеппін".
