Алматыда дәрігерлер ата-аналарға қызылша, қызамық және паротитке қарсы вакцинацияның маңыздылығын еске салды

Қызылша, қызамық және эпидемиялық паротит — жай ғана балалар инфекциясы емес. Олар ауыр өтіп, денсаулыққа елеулі асқынулар әкелуі мүмкін.

«Ұлттық егу күнтізбесіне бірден үш инфекциядан қорғайтын ҚҚП вакцинасы енгізілген. Вакцинация иммунитет қалыптастыруға, ауру мен асқыну қаупін азайтуға, сондай-ақ инфекцияның таралуын тежеуге көмектеседі», — деді Алматы қаласы №11 қалалық емханасының дәрігер-эпидемиологы Кулжанова Асия Азатовна.

Құрметті ата-аналар, балаңыздың вакцинация мәртебесін тексеріңіз. Егер қандай да бір екпелер өткізіліп алынса, тіркелген емханаңызға жүгініп, вакцинацияны қалай толықтыруға болатынын нақтылаңыз.

Алдын алуды кейінге қалдырмаңыз — уақтылы вакцинация баланы және айналасындағыларды инфекциялардан қорғауға көмектеседі.