Алматының медициналық ұйымдары — еліміздегі үздіктердің қатарында

Алматыда «Мемлекеттік тіл — менің тілім» және «Сапалы құжат: ұлттық стандарттарға негізделген ісқағаз»  атты республикалық байқауларының қорытындысы шығарылды.

Жеңімпаздар мен жүлдегерлердің қатарында Алматы Қоғамдық денсаулық сақтау басқармасына бағынысты медициналық ұйымдар бар.

№9 қалалық емхана «Амбулаториялық-емханалық көмек көрсететін үздік ұйым» аталымы бойынша жүлдегер атанды, ал «Алау» оңалту орталығы «Үздік оңалту ұйымы» аталымы бойынша II орын алды.

Республикалық деңгейде жоғары баға ұжымдардың кәсібилігін, олардың мемлекеттік тілді дамытуға, іс қағаздарын жүргізуді жетілдіруге және медициналық көмектің сапасын арттыруға қосқан үлесін мойындау болды.