Алматы қаласының Орталық қалалық клиникалық ауруханасының дәрігерлері ауыр халде түскен Түрікменстан тұрғынының өмірін құтқарды

Алматы қаласының Орталық қалалық клиникалық ауруханасына ауыр жағдайда болған Түрікменстан тұрғыны жедел түрде жеткізіліп, шұғыл медициналық көмек қажет болуына байланысты бірден реанимация бөліміне жатқызылды.

Дәрігерлер шұғыл түрде қажетті диагностика мен интенсивті терапия жүргізді. Медициналық команданың кәсібилігі мен үйлесімді жұмысының арқасында пациенттің жағдайын тұрақтандыру мүмкін болды. Халі жақсарғаннан кейін әйел адам әрі қарай ем қабылдап, қалпына келуі үшін №2 соматикалық бөлімге ауыстырылды.

Туыстарының айтуынша, ауруханада болу кезеңінің барлық этапында дәрігерлер мен медициналық қызметкерлер жан-жақты назар, қамқорлық және жоғары кәсібилік танытқан.

«Қазір әпкемнің жағдайы жақсы. Өмірін сақтап қалғандары, қолдау көрсетіп, көмектескендері үшін дәрігерлерге және бүкіл персоналға зор алғысымызды білдіреміз. Жағдайы жақсарған соң біз Түрікменстанға ораламыз», — деп атап өтті пациенттің туыстары.