ҚКО-да көп жылдан бері аритмиямен ауыратын науқастың жүрек ырғағы қалпына келтірілді
Қалалық кардиологиялық орталыққа бірнеше жыл бойы жүрек ырғағының бұзылуынан зардап шеккен 63 жастағы пациент жүгінді. Бұған дейін басқа клиникада жасалған отаға қарамастан, жүректің жиі соғу ұстамалары қайтадан қайталана берген.
Орталыққа түскеннен кейін дәрігерлер тобы толық тексеру жүргізді. Заманауи жабдықтың көмегімен мамандар пациенттің жүрегінің үш өлшемді моделін жасап, ырғақтың бұзылуына себеп болған нақты аймақтарды анықтады.
Алынған деректер негізінде пациентке радиожиілікті абляция жасалды — бұл процедурада мәселе туындататын ошақтар жұқа катетер арқылы күйдіріледі. Бұл аритмияның көзін жоюға мүмкіндік берді.
Ота сәтті өтті, жүрек ырғағының бұзылуы толық тоқтатылды. Пациент өзін жақсы сезінеді және жағдайының жақсарғанын атап өтуде.
«Жүрек картирлеуінің дәлдігі бізге аритмияға себеп болатын ең ұсақ ошақтарды да анықтауға мүмкіндік береді. Бұл жағдайда біз ырғақ бұзылысының көзін толық жойып, пациент бірден жеңілдік сезінді», — деді ҚКО аритмологы Ағабек Бердібек.
Қалалық кардиологиялық орталық жүрек аурулары бар пациенттерге заманауи және тиімді емдеу әдістерін қолдана отырып, жоғары технологиялық медициналық көмек көрсетуді жалғастыруда.