Мемлекеттік қызметшілер күніне орай Бостандық ауданы әкімінің аппаратының басшысы Еркінбекова Р.Ш. аудан әкімінің аппараты қызметкерлерімен профилактикалық семинар өткізді.

Семинар барысында Қазақстан Республикасының «Мемлекеттік қызмет туралы» Заңы, жеке және заңды тұлғалардың өтініштерін қарау кезінде Әкімшілік рәсімдік-процестік кодекстің талаптарын сақтау, сондай-ақ Қазақстан Республикасының «Сыбайлас жемқорлыққа қарсы іс-қимыл туралы» Заңына сәйкес сыбайлас жемқорлыққа мүлдем төзбеушілік қағидаттары және Мемлекеттік қызметшінің Әдеп кодексін сақтау мәселелері талқыланды.

Қолданыстағы заңнамадағы сыбайлас жемқорлық құқықбұзушылықтары бойынша негізгі нормалар мен заң алдындағы жауапкершілік түсіндірілді.

Бөлім басшыларына аппарат қызметкерлерінің еңбек және орындаушылық тәртібін бақылауға алу, сондай-ақ Қазақстан Республикасының «Мемлекеттік қызмет туралы» Заңына сәйкес мемлекеттік қызметшінің қағидаларын ұдайы сақтап отыру тапсырылды.