Алматының Әуезов ауданында ХҚБ бағдарламасы бойынша 16 жоба іске асырылды

Алматы қаласының Әуезов ауданында биыл «Халыққа қатысатын бюджет» бағдарламасы 34 жоба іске асырылады, оның 16-сы аяқталды. Жоба 2 кезеңмен өткізіледі. Бұл туралы Алматы әкімі Ерболат Досаев Әуезов ауданының тұрғындарымен кездесуде мәлімдеді.

«2 кезеңді іске асыруға 875 млн. теңге бөлінді, 18 жоба іріктелді. 10-ы қоғамдық кеңістіктерді абаттандыру, 8-і бос учаскелерді абаттандыру. Қазіргі таңда конкурстық рәсімдер жүргізіліп жатыр. Құрылыс қазан айында басталып, қарашада аяқталады деп жоспарланған», - деді қала басшысы.