Әуезов ауданы әкімінің орынбасары Дастан Қайратұлының төрағалық етуімен Мәдениет және тілдерді дамыту бөлімімен көрсетілетін мемлекеттік қызмет – «Спорттық разрядтар және біліктілік санаттарын беру жөніндегі» комиссиясының кезекті отырысы болып өтті.
Спортшыларға спорттық разрядтар және біліктілік санаттарын беру – ҚР 2014 жылғы 3 шілдедегі № 228-V «Дене шынықтыру және спорт туралы» заңы негізінде ҚР Үкіметінің 2014 жылғы 19 ақпандағы № 118 Жарлығымен бекітілген стандартқа және Алматы қаласы әкімінің 2015 жылғы 30 шілдедегі № 3/476 қаулысымен бекітілген регламентке сай жүргізіледі.
Спорттық атақтар немесе біліктілік санаттарды алу үшін құжаттарды қабылдау «Азаматтарға арналған үкімет» мемлекеттік корпорациясы» коммерциялық емес акционерлік қоғамы және «электрондық үкіметтің» www.egov.kz веб-порталы арқылы жүзеге асырылады.
2021 жылы осы күнге дейін комиссия мүшелерінің 8 отырысы өтіп, 78 мемлекеттік қызмет алушыға қызмет көрсетіліп, комиссияның шешімімен оның 78 –не атақ берілді, тек мамыр айында жоғары деңгейдегі 2 санатты жаттықтырушы атағына құжаттарын тапсырған 1 адамға мемлекеттік қызмет көрсетілуден бас тартылды. Басты себеп – өтініш иесінің талапқа сай жоғарғы білімінің болмауы.
Комиссия мүшелерінің кезекті қарауындағы 5 мемлекеттік қызмет алушы спортшылардың барлығына комисся мүшелерінің ортақ шешімімен барлық талаптарға сай болуына байланысты спорттық атақтар мен біліктілік санаттары берілді.