АҚСАЙ-3 ШАҒЫНАУДАНЫНДА ТҰРҒЫНДАР КӨТЕРГЕН МӘСЕЛЕЛЕР ҚАРАЛДЫ

1 қазанда өткен халықпен кездесу барысында Ақсай-3 шағынауданының тұрғындары бірқатар өзекті мәселені көтерген болатын. Кездесу барысында аудан әкімі көтерілген мәселелерді жергілікті жерде зерделеу үшін аумаққа арнайы шығатынын жеткізді.

Бүгін аудан әкімі Ақсай-3 шағынауданына барып, тұрғындармен бірге аталған мәселелерді орнында қарады. Аумақты аралау барысында тұрғындардың ұсыныс-пікірлері тыңдалып, мәселелерді шешу жолдары талқыланды.

Қорытындысы бойынша жауапты бөлімдерге көтерілген мәселелерді жан-жақты пысықтап, тиісті шаралар қабылдау жөнінде нақты тапсырмалар берілді.