«Цифрлық білім» бағдарламасын іске қосу бойынша Алматы қаласының әкімі Бақытжан Сағынтаевтың төрағалығымен өткен көшпелі кеңестің тапсырмасын орындау мақсатында ағымдағы жылдың 23 қарашасында «Elab.Asia» цифрлық сауаттылық орталығында қаланың 7 ауданы үшін таныстыру семинары өткізілді.
Семинардың негізгі мақсаты Алматы қаласы бойынша цифрлық сауаттылық орталықтарын енгізу және масштабтау бойынша толық егжей-тегжейлі жоспар ұсыну, сондай-ақ әлеуметтік бағдарламалар, атап айтқанда, мүмкіндіктері шектеулі азаматтарды, өмірлік қиын жағдайға тап болған отбасыларды оқыту мәселелерін қамту болды.