Домбыра – ұлттың рухани мұрасы

Ұлттық домбыра күніне орай Әуезов ауданындағы «Шыңға өрлеу» әлеуметтік клубында мерекелік іс-шара ұйымдастырылды.

Мерекелік бағдарлама барысында қазақтың ұлттық күйлері мен әндері орындалып, қатысушыларға домбыраның ұлттық мәдениет пен руханияттағы маңызы туралы айтылды. Іс-шараның басты мақсаты – ұлттық мұраны дәріптеу, жас ұрпақтың туған мәдениетке деген құрметін арттыру және ұлттық құндылықтарды насихаттау.

Осындай тағылымды іс-шаралар ұлттық дәстүрдің сабақтастығын нығайтып, өскелең ұрпақтың рухани тәрбиесіне оң ықпал етеді.