Әуезов ауданында қоғамдық қауіпсіздікті қамтамасыз ету мақсатында түнгі рейд өткізілді

 

 

Әуезов ауданы полиция басқармасының Қоғамдық қауіпсіздік бөлімімен бірлесіп, аудан аумағында қоғамдық тәртіпті сақтау және құқықбұзушылықтардың алдын алу мақсатында түнгі рейд ұйымдастырылды.

Рейд барысында ойын-сауық орындары тексеріліп, кәмелетке толмағандардың заңсыз болуына жол бермеу мәселесіне ерекше назар аударылды. Сонымен қатар, кәсіпкерлермен түсіндіру жұмыстары жүргізілді.

Кәсіпкерлердің назарына: сағат 22:00-ден кейін кәмелетке толмағандардың ойын-сауық орындарында болуына жол бермеу қажет. Сондай-ақ, 21 жасқа толмаған тұлғаларға алкоголь өнімдерін, темекі бұйымдарын және энергетикалық сусындарды сатуға тыйым салынғанын еске саламыз.

Аталған шаралар жасөспірімдердің қауіпсіздігін қамтамасыз етуге және қоғамдық тәртіпті нығайтуға бағытталған.

Заң талаптарын сақтау – әр азаматтың міндеті.
Қоғамдық қауіпсіздік – ортақ жауапкершілік.