Әуезов ауданының әкімі Сайран Сайфеденов аудандағы «Жұмыспен қамтудың жол картасы» бағдарламасы аясында қолға алынған 9 бос жатқан жерді абаттандыру барысымен танысты.

Қолайлы орта қалыптастыру мақсатында жаңа ойын және спорт алаңдары, тренажерлік кешендер қойылған. Асфальт және резіңке жабындылары жаңартылып, орындықтар, қоқыс жәшіктері, шағын сәулеттік пішіндер орнатылып, сонымен қатар жасыл желек аумағы ұлғайтылды. Одан бөлек, стрит-воркаут және скейт-парк тұрғызылды.