Аудан әкімінің жұмыс бабымен аралауы

Аудан әкімі Ержан Сейтенов «бюджетке қатысу»  жобасы бойынша іске асырылып жатқан нысанды, атап айтқанда Төле би және Мақатаев көшелерінің арасындағы Есентай өзенінің шығыс жағалауын абаттандыруды аралап көрді. Негізгі жұмыстар аяқталды, аумақты көгалдандыру жұмыстары жүргізілуде.⠀

Ержан Іргебайұлы мердігермен көгалдандырудың егжей-тегжейін талқылап, жүргізіліп жатқан жұмыстардың айқындығы үшін жағалауда серуендеп жүрген қала тұрғындарының пікірін тыңдады. Көпшіліктің пікірінше, жағалау жақсы жаққа өзгеріп, жарқын жарықпен, ыңғайлы орындықтармен және перспективалы көгалдандырумен тыныш серуендеу орнына айналуда.⠀

Жағалаудың түрлендірілуінде белсенді азаматтардың еңбегі орасан зор. Ержан Сейтенов «Бюджетке қатысу» бағдарламасы бойынша жобаның идеялары мен қолдауы үшін барлығына алғысын білдірді.