Қалың қарға байланысты коммуналдық қызметтер тәулік бойы жұмыс істеуде

Қар қаланың келбетін көркейткенмен, жаяу жүргіншілер мен жүргізушілерге айтарлықтай қолайсыздық тудырды. Жауын-шашын жалғасып жатқандықтан, коммуналдық қызметтер тәулік бойы жұмыс істеу режиміне көшті. Мамандар мен арнайы техника қауіпсіз қозғалысты қамтамасыз ету үшін үзіліссіз еңбек етуде.
Алмалы ауданындағы жұмыс көлемі
Жұмыс ауқымын түсіну үшін 25 ақпандағы күндізгі ауысым бойынша тек Алмалы ауданында атқарылған жұмыстардың көрсеткіштерін ұсынамыз. Барлығы 779 адам және 162 арнайы техника жұмылдырылды.
•Аула аумақтары — 311 аула сыпырушы және 29 техника кіреберістер мен аула ішіндегі жолдарды тазалауда.
•Саябақтар мен скверлер — 110 қызметкер мен 18 техника қоғамдық орындарды қардан тазартуда.
Қар мөлшері әдеттегіден көп түсті, сондықтан тазалау жұмыстары кезең-кезеңімен жүргізілуде. Бригадалар ауданның әр учаскесіне мүмкіндігінше тезірек жетуге тырысуда.
Тұрғындарға алғыс
Аула тазалауға атсалысып жатқан бейжай қарамайтын тұрғындарға ерекше алғыс айтамыз. Қала тұрғындарының белсенділігі қар салдарын тезірек жоюға және аулалардағы тәртіпті сақтауға үлкен көмегін тигізеді.
Коммуналдық қызметтер уақытша қолайсыздықтарға түсіністікпен қарауды және жолда абай болуды сұрайды. Жүргізушілерге қауіпсіз жылдамдықты сақтауға, ал жаяу жүргіншілерге мұқият болып, жылы киінуге кеңес беріледі.
Жұмыс жалғасуда.