Жұмыс кездесуі: мемлекеттік қызмет, сыбайлас жемқорлыққа қарсы іс-қимыл және әдеп мәселелері бойынша

Алмалы ауданының әкімдігінде мемлекеттік қызмет саласындағы заңнаманың сақталуы, сыбайлас жемқорлыққа қарсы іс-қимыл және этика мәселелеріне арналған Алматы қаласы бойынша ҚР Мемлекеттік қызмет істері агенттігі Департаменті өкілдерімен жұмыс кездесуі өтті. Отырыс барысында 2025 жылғы аппарат жұмысының жүйелі нәтижелері, кадрлық әлеуетті нығайту және сыбайлас жемқорлыққа қарсы іс-шаралардың толық орындалуы талқыланды.
Кездесуде сондай-ақ Департамент басшысы Нұржігітов Еркеболат Серікұлы, Алматы қаласы әкімдігінің Әдеп жөніндегі уәкілі Ахетов Мамай Қаниұлы және Дін істері басқармасының өкілі Қабылбеков Самат Ерімайұлы сөз сөйлеп, ішкі процестерді одан әрі жетілдіру бағыттарын атап өтті.
Қорытындылай келе, қатысушылар бірлескен жұмыстың маңыздылығын атап өтіп, ауданның ашықтық, тиімділік және мемлекеттік қызмет нормаларын сақтау қағидаттарына адалдығын жеткізді.