Иманов атындағы сквер жаңғыртылды: жаңа аллеялар, жарықтандыру және демалыс аймақтары

Қаланың орталығында Иманов атындағы скверде кезекті жөндеу жұмыстары аяқталды. Бұл – 2017 жылдан бергі алғашқы жаңарту. Енді сквер бұрынғыдан да жайлы әрі заманауи кейіпке енді.
✨ Не өзгерді:
• тозығы жеткен учаскелердегі гранит тас төсеніштері мен жиектастар жөнделді;
• заманауи орындықтар, қоқыс жәшіктері және 6 шағын сәулеттік нысан орнатылды;
• әткеншекті перголалар мен демалуға ыңғайлы орындар пайда болды;
• инклюзивті элементтері бар жаңа балалар алаңы салынды;
• сквер бойынша 6 сәнді шам орнатылып, кабельдік жабдықтар мен жарық шамдары толық ауыстырылды;
• 10 жөке ағашы, сәндік бұталар, гүлзарлар отырғызылып, лалагүлді шағын тоған мен автоматты суару жүйесі жасалды.
🌳 Бүгінде сквер Абылай хан – Маметов – Желтоқсан көшелері аумағында орналасқан толыққанды жасыл аймаққа айналды. Ол Мұхтар Әуезов атындағы Жастар театры маңындағы кеңістікпен үйлесімді жалғасып, қаланың жүрегінде бірыңғай серуендеу бағытын қалыптастырады.
Қала тұрғындары жаңарған алаңның отбасылық серуенге де, таза ауада кездесулер өткізуге де өте қолайлы болғанын атап өтуде.
Келіп, өзіңіз бағалап көріңіз — бірге біз ауданымызды жайлырақ етеміз! ✨