Қысқаша туберкулез ауруы туралы мәліметтер!!!

Қысқаша туберкулез ауруы туралы мәліметтер!!!

Туберкулез – бұл ауа тамшылары арқылы таралатын жұқпалы ауру. Қоздырғышы - туберкулез микобактериясы. Негізінен,  адамдарда туберкулездің өкпелік түрінен зақымдану жиі кездеседі. Сондай-ақ өкпе туберкулезінен басқа, сүйек жүйесінің туберкулезі, құрсақ қуысы, көз туберкулезі, қолтық асты лимфа түйіндерінің туберкулезі, туберкулезді спондилит түрлері де бар.

Мамандар "Туберкулездің профилактикасы жөніндегі іс-шараларды жүргізу қағидаларын бекіту туралы" Санитариялық қағидаларға сәйкес туберкулезді ерте анықтау мақсатында Қазақстан Республикасы Денсаулық сақтау министрінің 2020 жылғы 30 қарашадағы № ҚР ДСМ-214/2020, 2022 жылғы 28 наурыздаға № ҚР-ДСМ 29 бұйрықтарың білуіміз қажет екенін хабарлайды.

  1. 2 аптадан астам жөтел, әлсіздік, салмақтың төмендеуі, тершеңдік, кеудедегі ауырсыну, жалпы әлсіздік және тез шаршағыштық, дене температурасының ұзақ уақыт көтерілуі сиякты симптомдар пайда болған жағдайда тұрғылықты мекен-жай немесе  тіркелген жеріңіз  бойынша алғашқы медициналық көмекке уақтылы жүгіну қажет.
  2. Жыл сайын аумақтық емханаға, оның ішінде тәуекел тобындағы адамдарға флюорологиялық тексеруден өту.

3.Туберкулезбен сырқаттанушылық анықталған жағдайда клиникалық-зертханалық зерттеулерден (шолу рентгенографиясы, компьютерлік томограмма, қақырық бактериоскопиясы) уақтылы өту қажет.

  1. Туберкулез ауруының алдын мақсатында перзентханаларда жаңа туған балаларға туылғаннан кейін ұлттық егу күнтізбесіне сәйкес БЦЖ вакцинациясын жүргізеді.
  2. Тәуекел тобындағы 14 жасқа дейінгі балалар арасында туберкулинодиагностика (Манту туберкулин сынамасы, рекомбинантты туберкулез аллергені бар сынама) жүргізіледі.

           Сондай-ақ жоғарыда аталған белгілер пайда болған жағдайда,  туберкулезбен сырқаттанушылықты ерте анықтау және емдеу мақсатында Алматы қаласының барлық тұрғындарын уақтылы медициналық көмекке жүгінуге шақырамыз. Сіздің денсаулығыңыз сіздің қолыңызда екенін ұмытпаныз!!!!