Ақтөбе облысында техникалық және кәсіптік білім беру ұйымдары оқытушылары арасында спартакиада өтуде

 

Спорттық рух пен командалық бірлік атмосферасында Ақтөбе облысында колледж оқытушылары арасында облыстық спартакиада өтуде. Аталған жарысқа өңірдің 23 оқу орнынан 500-ден астам педагог қатысуда.

Спартакиада аясында қатысушылар алты спорт түрінен сынға түсуде: мини-футбол, волейбол, баскетбол, үстел теннисі, сондай-ақ ұлттық ойындар – асық ату және бес асық.

Өз спорт түрі бойынша жеңімпаз атанған командалар 2–8 маусым аралығында Алматы қаласында өтетін республикалық жарыстарда Ақтөбе облысының намысын қорғайтын болады.