Сәрсенбі, 18 мамыр күні Ақтөбе облысының әкімі Оңдасын Оразалин "АMANAT" партиясының облыстық филиалының қоғамдық қабылдауында кезекті рет өңір тұрғындарын қабылдап, олардың өтініштері мен ұсыныстарын тыңдады.
Ақтөбеліктер өңір басшысына кәсіпкерлікті қолдауға, кезекте тұрғандарға баспана, шағын және орта кәсіпкерлік нысанын салуға жер телімін беруге қатысты және т.б. сұрақтары бойынша жүгінді.
Азаматтардың барлық бағыттағы сұрақтарын мұқият тыңдап шыққан Оңдасын Оразалин тиісті мемлекеттік органдардың басшыларына мәселені заң аясында шешуді тапсырды.