Байғаниндік жастар табиғи апат салдарын жою жұмыстарына белсенді атсалысуда

 

Байғанин ауданында болған қатты дауылдан кейін қалпына келтіру жұмыстарына еріктілер мен жастар белсенді жұмылдырылды. Қарауылкелді ауылында жастар көшелер мен аулаларды тазалап, шашылған құрылыс материалдары мен қоқыстарды жинауға көмектесіп жатыр.

Игі іске «Жасыл ел» еңбек жасағының сарбаздары, еріктілер және белсенді жастар қатысуда. Олар коммуналдық қызмет өкілдерімен бірлесіп, тұрғын үйлердің аулалары мен қоғамдық орындарды ретке келтіруге атсалысуда.

Жастардың айтуынша, мұндай кезде бірлік пен өзара қолдау ерекше маңызды. Сондықтан олар табиғи апаттан зардап шеккен тұрғындарға қолдау көрсетуді азаматтық парыз санайды.