Инвестициялық серіктестікке қадам: қытай компаниясы «Ақтөбе» АЭА мүмкіндіктерімен танысты

 

«Ақтөбе» арнайы экономикалық аймағының Басқарушы компаниясының кеңсесінде облыс әкімінің орынбасары Абзал Абдикаримов Beijing Jynai Yannfang Holding Group қытай компаниясының өкілдерімен жұмыс кездесуін өткізді.

Кездесу барысында тараптар екіжақты ынтымақтастықтың перспективаларын, сондай-ақ өңір аумағында инвестициялық жобаларды іске асыру мүмкіндіктерін жан-жақты талқылады. Инвесторларға арнайы экономикалық аймақтың инфрақұрылымдық әлеуеті, қолданыстағы жеңілдіктер мен қолдау тетіктері таныстырылды.

«Ағымдағы жылдың қаңтар айында Бейжің қаласында компания басшылығымен жұмыс кездесуі өтіп, ықтимал ынтымақтастық бағыттары жан-жақты талқыланған болатын. Бүгінгі кездесу — сол келіссөздердің жалғасы әрі нақты инвестициялық жобаларды бірлесіп жүзеге асыру мүмкіндіктерін пысықтауға бағытталған маңызды қадам», — деді облыс әкімінің орынбасары Абзал Абдикаримов.

Тараптар алдағы кезеңде бірлескен инвестициялық жобаларды пысықтау және оларды өңірде іске асыру мүмкіндіктерін қарастыру бойынша жұмысты жалғастыруға уағдаласты.