Ойыл ауданында көпбалалы отбасылар «Ауыл аманаты» жобасына қатысып белсенділік танытуда
Ақтөбе облысының әкімі Ералы Тоғжанов жұмыс сапарымен Ойыл ауданына барып, аймақтың әлеуметтік-экономикалық дамуымен, мемлекеттік бағдарламалар мен ауыл халқының табысын арттыруға бағытталған «Ауыл аманаты» жобасының іске асырылу барысымен танысты.
Саралжын ауылдық округіндегі «Нұр-Асыл» шаруа қожалығы облыс әкіміне асылтұқымды еділбай қойларын көрсетті. Шаруашылық 20 жылдан астам уақыт бойы асылтұқымды қой шаруашылығымен айналысады. Олардың жайылымдық жерлері, жем-шөп жинайтын орындары бар. Шаруа қожалығында 1200-ге жуық ірі қара мал бар екенін ескере отырып, облыс әкімі етті ғана емес, жүнді қайта өңдеуді жолға қою қажеттігін атап өтті.
Шаруа қожалық директоры Аманғали Өмірғали өңір басшысының ауыл тұрғындарын қолдау туралы үндеуіне алғашқылардың бірі болып үн қосты.
Былтырғы жылдан бастап қожалық 3 отбасына тауарлы несие берді.
Бүгін Саралжын ауылының тұрғыны Ізімкерей Тұрмановқа 20 бас өнімділігі жоғары асылтұқымды қой берілді.
25 жастағы ауыл тұрғыны «Ауыл аманаты» оның жас отбасы үшін нағыз қолдау болғанын және қой шаруашылығынан күтер үміті көп екенін айтып өтті.
Кемер ауылының тұрғыны Бақытбек Ертілеуов 2022 жылы «Берік-А» шаруа қожалығында 4 сиырды тауарлы несие беру шарттарымен алып, жобаның қатысушысы атанды. Алтыншы баланың дүниеге келуін күтіп отырған Ертілеуовтер отбасысы көпбалалы санатына жататындықтан, жобаға қатыстыру кезінде басымдық берілді.
«Мен Кемер ауылына Ақтаудан бір жыл бұрын көшіп келдім. Екі сиыр қазірдің өзінде төлдеп үлгерді. Қалған екеуінің төлдегенін күтудеміз. Шаруашылығымызды ұлғайтқымыз келеді, маған тағы 6 сиыр керек. Сонда біз сүтті қайта өңдеуді қолға аламыз, артығын сатамыз, отбасымызды асыраймыз», - деді облыс әкіміне Бақытбек Ертілеуов.
Айта кетейік, бұл көпбалалы отбасы «Ауыл аманаты» жобасынан бөлек, мемлекеттік бағдарламаларға белсенді қатысуда. Атап айтқанда, Бақытбектің жұбайы Қызғалдақ Сапарова өткен жылы 1,3 млн теңге сомасында өтеусіз грантқа ие болып, тігін жабдықтарын сатып алды. Қазір жеке кәсіпкер болып отырған ол ауылдастарына тігін қызметтерін көрсетеді. Бақытбектің ағасы ірі қара мал бордақылаумен, құс шаруашылығымен айналысады және жоба аясында өз ісін кеңейтуді жоспарлап отыр.
«Ауылдарда ауылдастарына қолдау көрсететін және көмектесетін ірі фермерлер бар екені қуантады. Облыс бойынша шаруа қожалықтары «Ауыл аманаты» қатысушыларына 6 000 бас мал береді. Сіздер тағы 6 бас сұрап отырсыз, біз беруге дайынбыз. Шаруа істегіңіз келетінін және қалай жұмыс істеу керектігін білесіздер. Еңбек еткен адамдарға әрдайым қолдау көрсетіледі», - деп атап өтті Ералы Тоғжанов.
Көптоғай ауылдық округінде облыс әкімі «Ауыл аманаты» бойынша өңірде алғаш болып жеңілдетілген қарыз алған Болатбек Омаровтың жеке ауласында болды. Көпбалалы отбасының отағасы ұзақ уақыт бойы жұмыссыз қалған, жоба туралы біліп, тауарлы несие алуға шешім қабылдаған. Алдымен 20 қой алды. Кейін құс шаруашылығымен айналысу үшін жеңілдетілген ақшалай қарыз алуға өтініш берді. Арнайы курстан оқып, жүздей тауық сатып алды, енді шаруашылығын 500 қазбен кеңейтуді жоспарлап отыр.
«Жоба өте қолайлы. Мен құжаттарымды мақұлдамайтын шығар, әрі-бері шапқылаймын деп ойладым. Бірақ іс жүзінде бәрі басқаша болды. Жобаға мен өз отбасым, бес баламның болашағы үшін қатысып жатырмын», - деп Б.Омаров өз ойымен бөлісті.
Айта кетейік, бүгін Көптоғай округінің тағы үш тұрғынына 20 бас асылтұқымды ұсақ мал берілді.
Ойыл ауылында «Ауыл аманаты» атты көрме өтті, бірнеше меморандумға қол қойылды. Маңызды құжат аясында бес шаруашылық жергілікті тұрғындарға 20 бас ірі қара мал береді.
Аудан әкімі Асқар Қазыбаев 22 жоба мақұлданғанын, тағы 17 ауыл тұрғынына 20 млн теңге сомасына ІҚМ және ұсақ мал түрінде тауарлы несиелер берілгенін баяндады.
Ауылдық округтер скринингінің қорытындысы бойынша ауданда 988 млн теңгеге 466-дан астам жобаны іске асыру жоспары тұр.
Жобаны іске асыру нәтижесінде ауылдық округтерде жұмыссыздық 45,8%-ға, АӘК алушылар саны 57,1%-ға төмендейді, жобаға қатысатын отбасылардың орташа табысы 156,6%-ға өседі деп күтілуде. Азық-түлік қауіпсіздігі күшейтілмек. Мысалы, құс өндірісі 9,6 тоннадан 49,2 тоннаға дейін өседі. Жоба аясында көкөніс өсіруге 34 гектар жер бөлінеді, бұл жергілікті өніммен - көкөністермен қамтамасыз етуді арттырады.
Жұмыс сапары барысында облыс әкімі ойылдықтарды қысы-жазы көкөніспен қамтамасыз етіп отырған Сапура мен Мир Құлбаевтардың жылыжайларына барды. 2019 жылы мемлекеттік бағдарламаның арқасында 6 пайызбен жеңілдетілген несие алған ауыл тұрғындары жылыжай салған. Істері өрге домалап, өткен жылы мемлекеттік өтеусіз грант арқылы жылыжай аумағы 390 шаршы метрге дейін кеңейтіліп, өнім түрін көбейтуге мүмкіндік берді. Көкөністер далада да өсіріледі.
Ералы Тоғжанов ерлі-зайыптылар «Ауыл аманаты» жобасына қатысушылардың жеке қосалқы шаруашылықтарын дамыта отырып, қандай табыстар мен жетістіктерге қол жеткізе алатынының жарқын мысалы екенін алға тартты.
«Ауласын табыс көзіне айналдырғандарды тұрғындар көріп, үлгі алуы керек. Ол әркімнің қолында. Кішкене ғана қолдау, ынта және еңбекқорлық керек», - деп атап өтті облыс әкімі.
Ақтөбе облысының әкімі Ералы Тоғжанов жұмыс сапарымен Ойыл ауданына барып, аймақтың әлеуметтік-экономикалық дамуымен, мемлекеттік бағдарламалар мен ауыл халқының табысын арттыруға бағытталған «Ауыл аманаты» жобасының іске асырылу барысымен танысты.
Саралжын ауылдық округіндегі «Нұр-Асыл» шаруа қожалығы облыс әкіміне асылтұқымды еділбай қойларын көрсетті. Шаруашылық 20 жылдан астам уақыт бойы асылтұқымды қой шаруашылығымен айналысады. Олардың жайылымдық жерлері, жем-шөп жинайтын орындары бар. Шаруа қожалығында 1200-ге жуық ірі қара мал бар екенін ескере отырып, облыс әкімі етті ғана емес, жүнді қайта өңдеуді жолға қою қажеттігін атап өтті.
Шаруа қожалық директоры Аманғали Өмірғали өңір басшысының ауыл тұрғындарын қолдау туралы үндеуіне алғашқылардың бірі болып үн қосты.
Былтырғы жылдан бастап қожалық 3 отбасына тауарлы несие берді.
Бүгін Саралжын ауылының тұрғыны Ізімкерей Тұрмановқа 20 бас өнімділігі жоғары асылтұқымды қой берілді.
25 жастағы ауыл тұрғыны «Ауыл аманаты» оның жас отбасы үшін нағыз қолдау болғанын және қой шаруашылығынан күтер үміті көп екенін айтып өтті.
Кемер ауылының тұрғыны Бақытбек Ертілеуов 2022 жылы «Берік-А» шаруа қожалығында 4 сиырды тауарлы несие беру шарттарымен алып, жобаның қатысушысы атанды. Алтыншы баланың дүниеге келуін күтіп отырған Ертілеуовтер отбасысы көпбалалы санатына жататындықтан, жобаға қатыстыру кезінде басымдық берілді.
«Мен Кемер ауылына Ақтаудан бір жыл бұрын көшіп келдім. Екі сиыр қазірдің өзінде төлдеп үлгерді. Қалған екеуінің төлдегенін күтудеміз. Шаруашылығымызды ұлғайтқымыз келеді, маған тағы 6 сиыр керек. Сонда біз сүтті қайта өңдеуді қолға аламыз, артығын сатамыз, отбасымызды асыраймыз», - деді облыс әкіміне Бақытбек Ертілеуов.
Айта кетейік, бұл көпбалалы отбасы «Ауыл аманаты» жобасынан бөлек, мемлекеттік бағдарламаларға белсенді қатысуда. Атап айтқанда, Бақытбектің жұбайы Қызғалдақ Сапарова өткен жылы 1,3 млн теңге сомасында өтеусіз грантқа ие болып, тігін жабдықтарын сатып алды. Қазір жеке кәсіпкер болып отырған ол ауылдастарына тігін қызметтерін көрсетеді. Бақытбектің ағасы ірі қара мал бордақылаумен, құс шаруашылығымен айналысады және жоба аясында өз ісін кеңейтуді жоспарлап отыр.
«Ауылдарда ауылдастарына қолдау көрсететін және көмектесетін ірі фермерлер бар екені қуантады. Облыс бойынша шаруа қожалықтары «Ауыл аманаты» қатысушыларына 6 000 бас мал береді. Сіздер тағы 6 бас сұрап отырсыз, біз беруге дайынбыз. Шаруа істегіңіз келетінін және қалай жұмыс істеу керектігін білесіздер. Еңбек еткен адамдарға әрдайым қолдау көрсетіледі», - деп атап өтті Ералы Тоғжанов.
Көптоғай ауылдық округінде облыс әкімі «Ауыл аманаты» бойынша өңірде алғаш болып жеңілдетілген қарыз алған Болатбек Омаровтың жеке ауласында болды. Көпбалалы отбасының отағасы ұзақ уақыт бойы жұмыссыз қалған, жоба туралы біліп, тауарлы несие алуға шешім қабылдаған. Алдымен 20 қой алды. Кейін құс шаруашылығымен айналысу үшін жеңілдетілген ақшалай қарыз алуға өтініш берді. Арнайы курстан оқып, жүздей тауық сатып алды, енді шаруашылығын 500 қазбен кеңейтуді жоспарлап отыр.
«Жоба өте қолайлы. Мен құжаттарымды мақұлдамайтын шығар, әрі-бері шапқылаймын деп ойладым. Бірақ іс жүзінде бәрі басқаша болды. Жобаға мен өз отбасым, бес баламның болашағы үшін қатысып жатырмын», - деп Б.Омаров өз ойымен бөлісті.
Айта кетейік, бүгін Көптоғай округінің тағы үш тұрғынына 20 бас асылтұқымды ұсақ мал берілді.
Ойыл ауылында «Ауыл аманаты» атты көрме өтті, бірнеше меморандумға қол қойылды. Маңызды құжат аясында бес шаруашылық жергілікті тұрғындарға 20 бас ірі қара мал береді.
Аудан әкімі Асқар Қазыбаев 22 жоба мақұлданғанын, тағы 17 ауыл тұрғынына 20 млн теңге сомасына ІҚМ және ұсақ мал түрінде тауарлы несиелер берілгенін баяндады.
Ауылдық округтер скринингінің қорытындысы бойынша ауданда 988 млн теңгеге 466-дан астам жобаны іске асыру жоспары тұр.
Жобаны іске асыру нәтижесінде ауылдық округтерде жұмыссыздық 45,8%-ға, АӘК алушылар саны 57,1%-ға төмендейді, жобаға қатысатын отбасылардың орташа табысы 156,6%-ға өседі деп күтілуде. Азық-түлік қауіпсіздігі күшейтілмек. Мысалы, құс өндірісі 9,6 тоннадан 49,2 тоннаға дейін өседі. Жоба аясында көкөніс өсіруге 34 гектар жер бөлінеді, бұл жергілікті өніммен - көкөністермен қамтамасыз етуді арттырады.
Жұмыс сапары барысында облыс әкімі ойылдықтарды қысы-жазы көкөніспен қамтамасыз етіп отырған Сапура мен Мир Құлбаевтардың жылыжайларына барды. 2019 жылы мемлекеттік бағдарламаның арқасында 6 пайызбен жеңілдетілген несие алған ауыл тұрғындары жылыжай салған. Істері өрге домалап, өткен жылы мемлекеттік өтеусіз грант арқылы жылыжай аумағы 390 шаршы метрге дейін кеңейтіліп, өнім түрін көбейтуге мүмкіндік берді. Көкөністер далада да өсіріледі.
Ералы Тоғжанов ерлі-зайыптылар «Ауыл аманаты» жобасына қатысушылардың жеке қосалқы шаруашылықтарын дамыта отырып, қандай табыстар мен жетістіктерге қол жеткізе алатынының жарқын мысалы екенін алға тартты.
«Ауласын табыс көзіне айналдырғандарды тұрғындар көріп, үлгі алуы керек. Ол әркімнің қолында. Кішкене ғана қолдау, ынта және еңбекқорлық керек», - деп атап өтті облыс әкімі.