🔹️Бүгін аудан әкімінің орынбасары Саян Сапарұлының төрағалығымен бухгалтерлердің қатысуымен кеңес өтті. Кеңесте бюджеттік заңнаманың сақталуына қатысты Қазақстан Республикасы Қаржы министрінің 2025 жылғы 22 сәуірдегі №185 «Бюджеттік сұранымды жасау, ұсыну және қарау қағидаларын бекіту туралы» бұйрығына сәйкес бюджеттік сұранымды дайындаудағы енгізілген өзгерістер мен талаптар кеңінен талқыланды.

🔸️Іс-шара барысында бюджеттік жоспарлаудың тиімділігін арттыру, қаржы қаражатын мақсатты әрі ұтымды пайдалану, сондай-ақ құжаттарды рәсімдеу барысында заң талаптарының қатаң сақталуы мәселелеріне ерекше назар аударылды. Қатысушылар тарапынан қойылған сұрақтарға жан-жақты жауаптар беріліп, практикалық түсіндірме жұмыстары жүргізілді.

🔹️Кеңес қорытындысы бойынша тиісті тапсырмалар беріліп, алдағы уақытта бюджеттік сұранымдарды әзірлеу кезінде бекітілген қағидалар мен өзгерістерді басшылыққа алу қажеттігі атап өтілді.