♻️ Ақтөбеде «Таза Қазақстан» жалпыұлттық бағдарламасы аясында ұйымдастырылған «JasylCross – 2026»

♻️ Ақтөбеде «Таза Қазақстан» жалпыұлттық бағдарламасы аясында ұйымдастырылған «JasylCross – 2026» экологиялық плоггингіне 500-ге жуық жас қатысып, бір күннің ішінде 1317 қап қоқыс жинады.

🌱 Богослов тас жолы бойында өткен ауқымды экологиялық акция өңірдегі ең ірі бастамалардың біріне айналды. Шараға жас экобелсенділер, волонтерлар, жастар ұйымдарының мүшелері, «Жасыл ел» еңбек жасақтарының сарбаздары және қоғам белсенділері қатысып, табиғатты тазарту ісіне өз үлестерін қосты.