Асхат Шахаров ҚР Кәсіподақтар федерациясының төрағасын қабылдады

Ақтөбе облысының әкімі Асхат Шахаров ҚР Кәсіподақтар федерациясының төрағасы Сатыбалды Дәулеталин және облыстық кәсіподақтар орталығының төрағасы Алтынбек Әмірғалиевті қабылдады.

🔹Кездесу барысында тараптар өңірдегі әлеуметтік әріптестікті одан әрі дамыту мәселелерін талқылады. Бұл бағыттың мемлекет, жұмыс берушілер және қызметкерлер арасындағы өзара тиімді диалогті нығайтудағы маңызы атап өтілді.

Сондай-ақ әлеуметтік-еңбек саласындағы өзекті мәселелерге ерекше назар аударылды. Атап айтқанда, жалақы деңгейін арттыру, еңбек қауіпсіздігін қамтамасыз ету, қызметкерлердің құқықтарын қорғау және әлеуметтік кепілдіктер жүйесін жетілдіру мәселелері сөз болды.

📌Кездесу қорытындысында тараптар еңбеккерлердің өмір сапасын арттыруға және өңірдің тұрақты дамуына бағытталған ынтымақтастықты одан әрі нығайтуға әзір екендерін білдірді.