Облыс әкімінің Балаларды қорғау күніне арналған құттықтауы

Бүгін өңір басшысы Ақтөбедегі «Қазақ халқына мың алғыс стеласы алаңында өткен мерекелік шараға қатысты. Facebook әлеуметтік желісіндегі парақшасында ол шара туралы, сондай-ақ, мемлекет тарапынан балаларға бар жағдай жасалып жатқанын жазған.

«Бала — бауыр етің, болашағың, бақытың!

Бүгін өңірімізде 1 маусым – Халықаралық балаларды қорғау күні кең көлемде және көтеріңкі көңіл-күймен аталып өтуде. Ақтөбедегі мерекелік іс-шаралар «Қазақ халқына мың алғыс» стеласының жанында ұйымдастырылып, балалар мен ата-аналар үшін шығармашылық, техникалық және ойын-сауық алаңдары жұмыс істеді. Балаларға арналып түрлі байқаулар, шеберлік сабақтары, көрмелер мен ойындар өтуде, өзім осы жарқын шараның куәсі болдым.

Балалардың амандығы – мемлекет үшін басты басымдық.
Білімді, дені сау, отансүйгіш ұрпақ тәрбиелеу – біздің ортақ міндетіміз. Әрбір баланың бақытты балалық шағы болуына бар күшімізді саламыз. Бүгінгі балалар – ертеңгі елдің тірегі.

Барша жас достарыма мықты денсаулық, бақытты балалық шақ тілеймін! Тек алға ұмтылып, еліміздің абыройын асқақтататын азамат болып өсіңіздер!

Мерекелеріңізбен!

Жарқын болашақ — өздеріңнің қолдарыңда!», -деді ол жазбасында.