⚜️Ақтөбе кәсіби білім жөніндегі халықаралық диалог алаңына айналды

«Білім. Дағды. Болашақ» форумы Мемлекет басшысының бастамасымен жарияланған Жұмысшы мамандықтар жылы аясында ұйымдастырылды. Ол техникалық және кәсіптік білім беру жүйесін дамытудың өзекті мәселелерін талқылауға, халықаралық тәжірибені зерделеуге және еңбек нарығының сұранысына сай бәсекеге қабілетті жұмысшы кадрларды даярлаудың тиімді тетіктерін әзірлеуге арналған маңызды диалог алаңына айналды.

Күннің бірінші жартысында алқалы форум өтті. Оған Ақтөбе облысы әкімінің орынбасары Жолдас Батырхан, Оқу-ағарту вице-министрі Шынар Ақпарова, сондай-ақ Қытай, Франция, Жапония, Германия, Беларусь және Өзбекстаннан келген халықаралық сарапшылар қатысты. Қатысушылар қатарында колледж өкілдері, қоғамдық ұйымдар және орта арнаулыоқу орындарының әлеуметтік серіктестері болды.

Облыс әкімінің орынбасары Жолдас Батырхан форум қатысушыларына құттықтау сөз сөйледі.