📚 Мемлекеттік тіл – ұлттың тұғыры 🇰🇿

Ақтөбе облысының тілдерді дамыту басқармасының басшысы Амангелді Қонақбаев ҚР Жазушылар одағының Ақтөбе облыстық филиалының мүшелерімен кездесу өткізді

Кездесуге облыстық филиал төрайымы Гүлімай Әбішқызы, орынбасары Назарбек Нұрмағамбетов және Қазақстан Жазушылар одағының Ақтөбе облысындағы өкілі Бауыржан Құрманқұлов қатысып, мемлекеттік тілдің мәртебесін арттыру бағытындағы бірлескен жұмыстар жайлы пікір алмасты

Тараптар төмендегідей бірлескен жобаларды жүзеге асыру бойынша уағдаласты:

Жазушылармен әдеби-танымдық кештер ұйымдастыру

Мектептер мен кітапханаларда шығармашылық кездесулер өткізу

Жастар мен оқушылар арасында байқаулар мен ашық сабақтар жүргізу

Қазақ тілін насихаттайтын ақпараттық жобаларды бірлесе іске асыру

Мемлекеттік тілді қолдану аясын кеңейтетін бұқаралық іс-шараларды өткізу

Бұл кездесу – рухани бірлікке бастар маңызды қадам. Әдебиет пен тіл – егіз ұғым. Мемлекеттік тілді насихаттауда қаламгерлердің орны ерекше.

Болашақта мұндай кездесулер тұрақты өткізіліп, шығармашылық қауыммен байланыс одан әрі нығая түседі деп күтілуде.