ТАҒАЙЫНДАУ

ҚР «Қазақстан Республикасындағы сайлау туралы» Конституциялық заңының 14-бабының 9) тармақшасына, 45-бабына және 113-11-бабының 1-тармағына сәйкес, 2026 жылғы 14 маусымда өткен Ақтөбе облысы Темір ауданы Кеңқияқ ауылдық округі әкімінің сайлауының қорытындылары негізінде, сондай-ақ, ҚР «Қазақстан Республикасының мемлекеттік қызметі туралы» Заңының 15-бабының 1-тармағы мен 30-бабының 1-тармағына сәйкес, Темір ауданы әкімінің 2026 жылғы 15 маусымдағы №33 өкімімен Шуркин Қасымхан Ақтілеуұлы Кеңқияқ ауылдық округінің әкімі болып тағайындалды.

ШУРКИН ҚАСЫМХАН АҚТІЛЕУҰЛЫ

1972 жылғы 11 мамырда Ақтөбе облысы Темір ауданы Ақсай ауылында дүниеге келген.

Білімі – орта кәсіптік. 1987 жылы Ақтөбе қаласындағы құрылыс училищесін «құрылысшы», 2008 жылы Заң колледжін «заңгер» мамандығы бойынша бітірген.

Еңбек жолы

* 1992–1994 жылдары – Кеңқияқ құрылыс-монтаж басқармасында ағаш шебері;
* 2000–2002 жылдары – Ақтөбе облысы Темір аудандық сотының сот орындаушысы;
* 2003–2008 жылдары – «Қорғау» күзет компаниясының аға қарауылшысы;
* 2008–2012 жылдары – құрылыс компаниясының бас инженері (Ақтөбе қаласы);
* 2012–2014 жылдары – жеке кәсіпкер (Ақтөбе қаласы);
* 2014–2016 жылдары – құрылыс компаниясының бас инженері (Ақтөбе қаласы);
* 2016–2020 жылдары – «Майкент-ЛТД» ЖШС директорының орынбасары (Ақтөбе қаласы);
* 2020–2022 жылдары – «Висман-Астана» ЖШС директоры (Ақтөбе қаласы);
* 2023–2026 жылдары – «Кеңқияқ-СК» КММ директоры;
* 2026 жылғы 15 маусымнан бастап – Ақтөбе облысы Темір ауданы Кеңқияқ ауылдық округінің әкімі лауазымына тағайындалды.