«Ауыл аманаты» жобасы аясында түсіндіру жұмыстарын жүргізетін жұмысшы топ құрамы өкілдері: Ақтөбе облысының жұмыспен қамтуды үйлестіруді және әлеуметтік бағдарламалар басқармасы басшысының м.а. Қонжар Ә.Ж., Ақтөбе облысының ауыл шаруашылығы басқармасы басшысының орынбасары - Өтешов Р.Б. және «ӘКК Ақтөбе» АҚ жобаларды басқару департаментінің директоры Ескендіров Р.Т. Алға ауданының Қарақобда, Үшқұдық ауылдық округінде болып ауыл тұрғындарымен кездесті. Кездесу барысында жобаның негізгі мақсаты, ауылдық елді мекендердегі жұмыссыздық және атаулы әлеуметтік көмек алушылар санын азайту, өзін-өзі қамтушыларды заңдастыру, ауылдық елді-мекендерде жаңа жұмыс орындарын құру, мал мен құстың санын көбейту, шағын кәсіпкерлікті ашу арқылы халықтың табысын арттыру, азық-түлік қауіпсіздігін қамтамасыз ету мәселелері түсіндірілді.