Әлеуметтік жұмыс орны

Жұмыс беруші халықты мансап орталығымен шарт негізінде жұмыссыздарды жұмысқа орналастыру үшін жалақысы субсидияланатын әлеуметтік жұмыс орнын құрады.

Әлеуметтік жұмыс орнындағы жұмыс уақытша сипатқа ие, қатысу ұзақтығы 12 айдан аспайды, 16 жастан зейнеткерлік жасқа дейінгі жұмыссыз азаматтар қатыса алады.

Жалақы төлеуді жұмыс беруші нақты жұмыс істеген уақыты үшін ай сайын еңбек шартында белгіленген мөлшерді негізге ала отырып жүзеге асырады.

Мемлекет субсидиялайды: жұмыссыздар үшін-жұмыс беруші белгілеген жалақы мөлшерінің 35 %, бірақ 24 айлық есептік көрсеткіштен (АЕК) аспайды.

Жолдама алу үшін тұрғылықты жеріңіз бойынша мансап орталығына жүгіну қажет.