Ақтөбеде мамандандырылған бос жұмыс орындары жәрмеңкесі өтуде

Бүгін Ақтөбе қаласының Мансап орталығы бас бостандығынан айырылғандар, пробация есебінде тұрғандар және алимент төлемегендерге арналған бос жұмыс орындары жәрмеңкесін ұйымдастыруда.

Жәрмеңкеге 9 жұмыс беруші қатысып, 41 бос жұмыс орнын ұсынды. Ұсынылған мамандықтар: слесарь, дәнекерлеуші, операторлар, электромонтер, қазандық операторы, массажист, бармен және т.б.

Іс-шара барысында жұмыссыз азаматтарға жұмыспен қамтудың белсенді шаралары, қысқа мерзімді кәсіптік оқыту және мемлекеттік қайтарымсыз грант туралы ақпарат берілді.

📌 Бүгінгі таңда Ақтөбе қаласы бойынша Электронды еңбек биржасында (www.enbek.kz) 1006 бос жұмыс орны жарияланған.