Дау медиация тәртібімен шешілді

Шалқар аудандық соты Тараптар арасындағы дауды медиация жолымен кезекті рет шешті.

Талапкер "ауыл шаруашылығын қаржылай қолдау қоры" АҚ Ақтөбе филиалы жауапкерлерден 5 357 219 теңге көлемінде өндіріп алу туралы талап арыз берді.

Сот отырысында тараптар медиация тәртібімен келісімге келді, оған сәйкес жауапкерлер талапты мойындап, қарызды ағымдағы жылдың наурыз айына дейін өтеу кестесіне сәйкес төлеуге келісті, ал талапкер талап қою талаптарынан бас тартты.

Осыған байланысты, азаматтық іс бойынша іс жүргізу тоқтатылды және төленген мемлекеттік баж сомасы қайтарылды.

Анықтама заңды күшіне енген жоқ.