Жаңа медициналық бөлімше жақын арада пайдалануға беріледі

Ауыл тұрғындары үшін тағы бір қуанышты жаңалық — жақын арада жаңа медициналық бөлімше пайдалануға беріледі. Құрылыс жұмыстары толықтай аяқталуға жақын, қазіргі уақытта ішкі әрлеу, жабдықтау және сыртқы қоршау жұмыстары жүргізілуде.

Бұл медициналық бөлімше заманауи талаптарға сай салынып, алғашқы медициналық көмек көрсетуге арналған қажетті құрал-жабдықтармен қамтамасыз етіледі. Жоба тұрғындардың денсаулығын жақсарту, жедел көмекке қолжетімділікті арттыру мақсатында жүзеге асырылуда.

Ауыл халқы жаңа медициналық бөлімшенің ашылуын асыға күтуде. Медициналық бөлімше іске қосылғаннан кейін тұрғындар алысқа бармай-ақ, өз ауылында медициналық қызмет ала алады.