Ақтөбе облысында шетелдік инвесторлардың қатысуымен үш ірі жобаны іске асыру жоспарлануда

Облыс әкімі Асхат Шахаровтың төрағалығымен өткен инвестициялық штаб отырысында өңірдің өнеркәсіптік және инвестициялық әлеуетін едәуір күшейтетін үш ауқымды жоба қаралды.

Жобалардың бірі – алкогольсіз сусындар шығаратын зауыт. Мұны «Coca-Cola Almaty Bottlers» ЖШС жүзегеасыруда. Инвестициялардың болжамды көлемі 30-32 млрд теңге. Түрік компаниясы Coca-Cola Içecek A.Ş өзінің CCI International Holland B.V еншілес құрылымы арқылы шетелдік инвестор ретінде танылып отыр.

Зауыт салу үшін инвесторға дайын инженерлік инфрақұрылымы бар жер учаскесін бөлу қажет. Әлеуетті аумақ ретінде Ақтөбе қаласы маңындағы және Алға, Мұғалжар, Хромтау аудандарындағы учаскелер қарастырылуда. Зауыт орнын таңдау кезінде логистика, су, электр энергиясы, газ және жолдың болуы ескеріледі.

Екінші жоба – шыны ыдыс шығаратын зауыт. Жобаны«AKTOBE STEKLO» ЖШС бастамашылық еткен.Инвестициялардың жалпы көлемі 34,033 млрд теңге.Жоба аясында Өнеркәсіпті дамыту қорының қолдауыменгаз поршенді станцияны сатып алу, сондай-ақ қалалықполигонға жақын жерде 1 га аумақты бөлу көзделген.

Жобаны Индустрияландырудың бірыңғай картасынаенгізу жоспарлануда. Бұдан өзге, болашақта шетелдіксеріктестерді – «ATEC GROUP» холдингін тартукөзделген, бұл кәсіпорынның өндірістік және экспорттықмүмкіндіктерін күшейтеді.

Үшінші жоба – аммиак пен карбамид өндіретін кешен. Жобаның бастамашысы – «KMG PetroChem» ЖШС. Жобаның жалпы құны 1,2 - 1,5 миллиард АҚШ доллары.

Қазір ірі жер учаскесін бөлу, тәулігіне 20 мың тоннағадейінгі көлемде техникалық судың тұрақты берілуінқамтамасыз ету, сондай-ақ жобаны құрылып жатқанарнайы экономикалық аймаққа енгізу мәселесі шешілуде.

Өңір басшысы Асхат Шахаров бұл жобаларды іске асыру ҚР Президенті Қасым-Жомарт Тоқаев белгілегенелдің инвестициялық саясатының мақсаттарына қолжеткізудегі маңызды қадам болатынын атап өтті.

«Біздің міндетіміз – инвесторлар үшін барыншақолайлы жағдай жасау. Бұл – қосымша жұмыс орындарымен салық түсімдері ғана емес, сонымен қатар капиталдытарту нүктесі ретінде өңірдің беделінің артуы», - деп атапөтті облыс әкімі.