Ақпараттық хабарлама

Ақтөбе облысының ішкі саясат басқармасы облыс бойынша мемлекеттік әлеуметтік тапсырыс аясында іске асырылған әлеуметтік жобалардың нәтижелерін бағалау бойынша сараптамалық кеңестің құрамына үміткерлерді қабылдайтынын хабарлайды.

Сараптамалық кеңестің негізгі мақсаты — әлеуметтік маңызы бар мәселелерді шешуге бағытталған жобалардың нәтижесін бағалау.

Сараптамалық кеңестің құрамына үкіметтік емес ұйымдардың өкілдері, мемлекеттік органдардың қызметкерлері, қоғам қайраткерлері шақырылады.

Үміткерлерге келесі талаптар қойылады:

- Жоғары білімінің болуы;

- «Қазақстан Республикасындағы мемлекеттік әлеуметтік тапсырыс, стратегиялық әріптестікті іске асыруға арналған мемлекеттік тапсырыс, үкіметтік емес ұйымдарға арналған гранттар және сыйлықақылар туралы» Заңының 5-бабы 1-тармағында көзделген бір немесе бірнеше сала бойынша кемінде үш жыл жұмыс тәжірибесінің болуы;

- Әлеуметтік жобаларды бағалау саласында кемінде екі жыл тәжірибенің болуы;

Сараптама кеңесінің өкілеттік мерзімі — үш күнтізбелік жыл. Сарапшылардың жұмысы қоғамдық негізде жүзеге асырылады.

Қатысу үшін келесі құжаттарды ұсыну қажет:

- Жеке басын куәландыратын құжаттың көшірмесі;

- Сарапшының біліктілігін растайтын дипломдардың, сертификаттардың көшірмелері;

- Үміткердің еңбек өтілін растайтын, жұмыс беруші қол қойған және мөрмен расталған түйіндеме.

Құжаттарды 2026 жылғы 28 шілдеге дейін T.mukhambetov@aqtobe.gov.kz электронды поштасына жіберу қажет.

Анықтама үшін телефондар: 8 (7132) 74-75-57.