Облыс әкімі Орынборда Жеңіс ескерткішіне гүл шоқтарын қойды

Ақтөбе облысының әкімі Асхат Шахаров жұмыс сапарымен Орынборға барды.

Өңір басшысы «Салют, Победа!» саябағында өткен еске алу іс-шарасына қатысып, бір минут үнсіздікпен батырларды еске алып, гүл шоқтарын қойды.

Бұл шараға Қазақстан Республикасының Ресей Федерациясындағы Төтенше және Өкілетті Елшісі Дәурен Абаев, Қазақстан Республикасының вице-министрлері, сондай-ақ шекаралас өңірлердің өкілдері, оның ішінде Ақтөбе және Батыс Қазақстан облыстарының делегациялары да қатысты.