Кірпіштідегі жаңа көпір ашылуға дайын – жұмыстар аяқталу сатысында

Ақтөбе облысының әкімі Асхат Шахаров жаңа көпірдің құрылыс алаңында болды. Құрылыс жұмыстарын «КазКомСервис» ЖШС жүзеге асыруда.

Қазіргі таңда көлік жүретін бөлігінде асфальт толық төселіп, тіреуіштер орнатылған, жарықтар қойылды. Алдағы 20 күн ішінде көпір көлік қозғалысы үшін ашылады деп күтілуде.

Жаңа көпірдің жалпы ұзындығы — 340 метр, ал аралық бөлігі — 42 метрді құрайды. Бұл – әр бағытта біржақты қозғалысқа арналған заманауи екіжақты құрылыс: «Кірпішті» бағытына шығу осы көпір арқылы жүзеге асады, ал кіреберіс — ескі көпірдің орнына салынатын жаңа көпір арқылы болады.

Көпірдің бірінші бөлігін пайдалануға бергеннен кейін, ескі құрылымды бұзу жұмыстары басталады. Оның орнына дәл осындай жаңа көпір салынады. Барлық жұмысты, соның ішінде қысқы маусымды ескере отырып, бір жыл ішінде аяқтау жоспарлануда.

Әкім бұл нысанның уақытылы әрі сапалы аяқталуының маңыздылығын атап өтті, өйткені ол қаланың көлік қатынасы мен тұрғындардың қауіпсіздігі үшін маңызды инфрақұрылымдық жоба саналады.