Мәртөк ауданының әкімі денсаулық сақтау саласының қызметкерлерін кәсіби мерекелерімен құттықтады.

Іс-шара аудандық аурухана ғимаратында өтті. Құттықтау сөзінде аудан басшысы біздің дәрігерлеріміздің шеберлігі мен жоғары кәсібилігін, әсіресе пандемия кезіндегі қажырлы және орасан зор еңбегін ерекше атап өтті.

"Денсаулық - адам үшін баға жетпес байлық! Дәрігер мамандығы бұрыннан құрметтелген! Бүкіл әлемді дүр сілкіндірген пандемиямен күресте сіздің жұмысыңыз ерекше байқалады және жоғары бағаланады! Сіздерге үлкен алғысымды білдіремін! Сіздерді кәсіби мерекелеріңізбен құттықтаймын және отбасыларыңызға амандық тілеймін!",- деді аудан әкімі.

Ол мемлекет тарапынан денсаулық сақтауды дамытуға ерекше көңіл бөлінетінін атап өтті. Тек өткен жылдың өзінде аудандық ауруханада құрал-жабдықтар жаңартылып, автопарк жаңартылды.

Кәсіби мерекеге орай 22 медицина қызметкері облыс әкімінің, аудан басшысының, облыстық кәсіподақ комитетінің және аурухана әкімшілігінің атынан грамоталар мен алғыс хаттарға ие болды.

Естеріңізге сала кетейік, ауданда барлығы 50 дәрігер мен 193 медбике еңбек етеді.