🔹️Ауданның фитосанитарлық және ветеринариялық ахуалы баяндалды

Мәртөк ауданының әкімі Медет Ысқақовтың төрағалығымен кезекті аппараттық жиын өтті. Күн тәртібінде ауданның ветеринариялық қауіпсіздігі мен ауыл шаруашылығы саласындағы бақылау жұмыстарының бірінші тоқсандағы қорытындылары талқыланды.

Жиын барысында үш маңызды баяндама тыңдалды:
🐎 Ветеринариялық бақылау саласы бойынша:
Мәртөк аудандық аумақтық ветеринариялық бақылау және қадағалау инспекциясының басшысы Киікбай Өтешев ағымдағы жылдың 1-тоқсанында атқарылған жұмыстар мен алдағы жоспарлар туралы ақпарат берді. Негізгі назар эпизоотиялық тұрақтылықты сақтау мен қадағалау жұмыстарына аударылды.

🌱 Ауыл шаруашылығы инспекциясының жұмысы:
Аудандық аумақтық инспекциясының басшысы Нұрболат Сәрсенбаев бірінші тоқсандағы мемлекеттік бақылау шараларының нәтижелерін баяндады. Фитосанитарлық қауіпсіздікті қамтамасыз ету және өсімдік шаруашылығындағы инспекциялық жұмыстардың маңызы атап өтілді.

🐄 Ветеринариялық сервистік қызметтер:
Аудандық ветеринариялық стансасының басшысы Кенжебай Мұқашев 1-тоқсандағы профилактикалық шаралар мен жоспарлы вакцинация жұмыстарының орындалу барысына тоқталды.

📌 Жиын қорытындысы бойынша аудан әкімі Медет Ысқақов жауапты басшыларға аудан аумағындағы ветеринариялық және фитосанитарлық ахуалды жіті бақылауда ұстауды, сондай-ақ жоспарланған іс-шаралардың сапалы әрі мерзімінде орындалуын қамтамасыз етуді тапсырды.