📌 Аудан әкімінің төрағалығымен аппараттық жиын өтті

Мәртөк ауданының әкімі Медет Ысқақовтың төрағалығымен кезекті аппараттық жиын өтті.

👉 Күн тәртібінде екі мәселе қаралды:

1️⃣ Аудандық ішкі саясат және тілдерді дамыту бөлімінің жұмысы Бөлімнің 2025 жылдың 8 айында атқарған жұмыстары мен жыл соңына дейінгі жоспарлары тыңдалды. Әлеуметтік желілерде, соның ішінде Telegram топтарында көтерілген мәселелерге уақтылы жауап беру тапсырылды. Сондай-ақ жаңа көшелерге атау беру мәселелері қаралды.

2️⃣ Жолдардың жай-күйі туралы Аудандық маңызы бар автомобиль жолдарының жөндеу жұмыстары баяндалды: • «Мәртөк – Байторысай» (15–30 шқ) жолының орташа жөндеу жұмыстары толық аяқталып, нысан пайдалануға берілді. • Қазіргі уақытта Мәртөк ауылында 6 көше жөнделуде. Оның ішінде Сейфуллин және Байтұрсынов көшелерінің жұмыстары аяқталып, қабылданды. Байғанин, Әубәкіров, Есет Көкіұлы, Жамбыл және Молдағұлова көшелеріндегі жөндеу жұмыстары жалғасуда, қыркүйек айында аяқталады деп жоспарлануда. Облыстық маңызы бар жолдар бойынша: • Петропавловка–Хазрет (0–7 шқ) автожолына орташа жөндеу жүргізілуде. • Мәртөк–Қобда және Ақтөбе–Родниковка–Мәртөк бағыттарында су өткізгіш құбырлары ауыстырылуда. Республикалық маңызы бар жолдар: • Ақтөбе–Орынбор бағытындағы 34,7 шақырымға орташа жөндеу жұмыстары жүргізілуде. Нысан 2025 жылдың қазан айында аяқталады.

✅ Сонымен қатар дайын жобалық-сметалық құжаттамалар таныстырылды: • «Қаратоғай ауылына кіреберіс» жолының құрылысы (ұзындығы – 6 шақырым). • «Қаратаусай–Аққайын» автожолын орташа жөндеу (ұзындығы – 12 шақырым).