🔹 Аудандағы мектеп қазандықтары жаңартылып, жылу маусымына дайындық пысықталды

Аудан әкімі Медет Ысқақов Байторысай, Аққайың және Қаратаусай ауылдарында болып, мектептердің жылу қазандықтары мен жылу жүйелерін тексерді. Тиісті тапсырмалар беріліп, барлық жұмыстарды жылу маусымы басталғанға дейін толық аяқтау міндеттелді.

📍 Байторысай жалпы орта мектебі – ЖШС «АК Строй Проджек» мердігерлігіндегі қазандық жөндеу жұмыстары 90%-ға орындалған. Тапсырыс беруші – Ақтөбе облысының құрылыс, сәулет және қала құрылысы басқармасы. Жұмыс қазан айында толық аяқталмақ.

📍 Аққайың жалпы орта мектебі – Қазандық жылыту маусымына толық дайын. Ішкі жүйелер тазаланып, әктеу жұмыстары жүргізілді. Қыркүйек айында мектепке 228 тонна қатты отын толық жеткізіледі.

📍 Қаратаусай жалпы орта мектебі – 2025 жылы қатты отыннан көгілдір газға көшіріліп, алдағы жылу маусымына толық дайындалды.

📍 Қаратаусай ауылындағы №8 «Болашақ» бөбекжай-бақшасы – Модульдік қазандық жаңартылуда. Тапсырыс беруші – Ақтөбе облысының құрылыс, сәулет және қала құрылысы басқармасы, мердігер – «БН Капитал». Жұмыстың аяқталуы қазан айының соңына жоспарланған.

✅ Бұл жұмыстар ауылдық мектептер мен балабақшалардың жылыту маусымына сапалы әрі қауіпсіз кіруін қамтамасыз етеді.x