Қазіргі уақытта Қаратаусай ауылының ішінде тозығы жеткен және ескірген көше шамдарын ауыстыру бойынша жоспарлы жұмыстар жүргізілуде. Бұл шаралар көшелердің жарықтандыру деңгейін арттыруға, тұрғындардың түнгі уақытта қауіпсіздігін қамтамасыз етуге, сондай-ақ елді мекеннің жалпы көрінісін жақсартуға бағытталған. Жұмыс барысында ескі шамдар алынып, олардың орнына заманауи, энергия үнемдейтін жарық құралдары орнатылуда.
