«Абзал жандар» атты медицина қызметкерлері күніне орай мерекелік шара өтті

Бүгін аудандық Мәдениет үйінде Халықаралық медицина қызметкерлерiнiң кәсiби мерекесіне арналған iс-шара өтті.

Шараға аудан әкімі Болат Ахметұлы Кулов қатысып, ақ халатты абзал жандарды мерекелерiмен құттықтап, бірқатар қастерлі мамандық иелерін марапаттады.

Сонымен қатар аудандық ауруханамен өзара ынтымақтастық қарым-қатынастағы бөлім басшылары медицина саласының қызметкерлерін құттықтап, естелік сыйлықтар табыстады. Әрi қарай салтанатты мерекелік шара аудан көркемөнерпаздарының концерттік бағдарламасына ұласып, жиналғандар дәрiгерлерге алғыстарын бiлдiрiп, ризашылықтарын айтты.