ҚОБДА АУДАНЫ “ЖЫЛ КӨШБАСШЫСЫ” НОМИНАЦИЯСЫНА ИЕ БОЛДЫ

26 қараша күні Ақтөбе қаласында “Жасыл ел” жастар еңбек жасағының ХХІ еңбек маусымының жабылу салтанатты шарасы өтті.

Аталған шараға Ақтөбе облысы әкімінің орынбасары Жолдас Нұрланұлы қатысып, Қобда аудандық жастар ресурстық орталығын “Жыл көшбасшысы” номинациясымен марапаттады.

Ағымдағы жылы ауданымызда “Жасыл ел” жастар еңбек жасағында 155 жас жұмыс атқарған болатын. Олар жұмыспен қатар түрлі экологиялық акцияларға, қайырымдылық, спорттық шараларға ат салысып, белсенділік танытты.